गर्भपातानंतर अशक्तपणापासून मुक्त कसे व्हावे?

गर्भपातानंतर घ्यावयाची महत्त्वाची खबरदारी, जाणून घ्या कसा असावा तुमचा डायट चार्ट

गर्भपातानंतर महिलांनी त्यांच्या आरोग्याची काळजी घेतली पाहिजे.
गुरुवारी सर्वोच्च न्यायालयाने एका खटल्याची सुनावणी करताना सांगितले की, अविवाहित मुली/महिलांनाही गर्भपाताचा अधिकार आहे. कोर्टाने म्हटले आहे की, विवाहित महिलांप्रमाणेच अविवाहित महिला देखील एमटीपी कायद्यांतर्गत २४ आठवड्यांसाठी कोणाच्याही परवानगीशिवाय गर्भपात करू शकतात. गर्भपात शारीरिक आणि मानसिक दोन्ही स्तरांवर वेदनादायक आहे. गर्भपातानंतर महिलांनी त्यांच्या आरोग्याची काळजी घेतली पाहिजे. गर्भपात झाल्यानंतर काळजी कशी घ्यावी याबद्दल जाणून घेऊया.

चांगला आणि संतुलित आहार
महिलांनी त्यांच्या आहारात हिरव्या पालेभाज्या, आले, लसूण, तीळ, सुका मेवा, दूध यांचा समावेश करावा. त्याच वेळी, जंक, प्रक्रिया केलेले अन्न आणि साखरयुक्त पेये अजिबात घेऊ नका. याशिवाय व्हिटॅमिन डी, लोह आणि कॅल्शियम सारखी सप्लिमेंट्स डॉक्टरांचा सल्ला घेतल्यानंतर घ्या.

गरम पाणी प्या

गर्भपात झाल्यानंतर शरीरातील पाण्याची कमतरता होऊ शकते. त्यामुळे हायड्रेटेड राहण्यासाठी कोमट पाणी प्या.

भारी काम करू नका
गर्भपातानंतर कपडे, भांडी धुणे आणि पाण्याच्या बादल्या उचलणे यासारखे जड काम टाळा. या दरम्यान तुम्हाला पुरेशी विश्रांती आवश्यक आहे. याशिवाय किमान आठ तासांची झोप घ्या.

बॉडी मसाज
आराम करण्यासोबतच बॉडी मसाज करणं चांगलं ठरेल. यासाठी तुम्ही मोहरी किंवा तिळाचे तेल वापरू शकता. या सर्वांव्यतिरिक्त, तुमच्यासाठी शांत आणि तणावमुक्त राहणे खूप महत्वाचे आहे.

आहारात ‘या’ गोष्टी खा
कॅल्शियम: टोफू, सुकामेवा, सीफूड, दूध, दुग्धजन्य पदार्थ आणि हिरव्या पालेभाज्या

लोह आणि व्हिटॅमिन सी: पालक, खजूर, भोपळा आणि बीट

फॉलिक अ‍ॅसिड: अ‍ॅव्होकॅडो, बदाम आणि अक्रोड यासारख्या गोष्टी

संपूर्ण धान्य: ब्राउन तांदूळ, क्विनोआ, ओट्स

फॅटी दूध: लोणी, चीज, कच्चे दूध